Segundo se lembra dende a AELG (Asociación de Escritoras e Escritores en Lingua Galega), este organismo, coa colaboración da Concellaría de Normalización Lingüística do Concello de Vigo, leva os seus paseos literarios a esta cidade, onde o vindeiro 9 de maio, con saída na Oliveira ás 11:30 horas, terá lugar o primeiro, da man de Pedro Feijoo.
No Paseo de Afonso XII, no número 2, ten o seu estudio o inefable Simón Varela, desde onde podemos baixar até a Porta do Sol, perdéndonos polo caso vello da cidade, tras os pasos de Daniel e León Beiroa. Desde a Porta do Sol e o teatro García Barbón até o calexo dos Caños, onde a Simón e a Mariña case lle parten os fociños os secuaces de herr Wessler, para descubrir a historia da vella rede de túneles esquecidos da cidade. A continuación baixariamos até a Alameda e desde aí ao Náutico, para, na compaña do mesmísimo Verne, botar un ollo ao noso redor, á procura da cidade case desaparecida...
Unha cidade chea de historia aínda visible para uns ollos atentos...
Unha cidade chea de historia aínda visible para uns ollos atentos...
Para se inscribir hai que enviar o nome completo e teléfono ao correo electrónico actividades.snl@vigo.org (indicando a cal ou cales paseos se quere ir). A asignación das 50 prazas de cada paseo farase por orde de chegada da solicitude.
Toda a información aquí.
.JPG)
