As Escritoras/es en Lingua Galega, a polo 2016

Asinando o libro dos Muíños do Folón, escrito na compaña de Xoán Martínez Tamuxe

Boas a todos/as!

Coméntovos nesta nova entrada, que a nosa activa Asociación de Escritoras e Escritores en Lingua Galega (AELG) "celebrou na mañá do sábado 13 de febreiro a súa Asemblea Xeral de socios/as, que acordou outorgar a Dolores Macías Pose, e a Mini e Mero os PremiosMestres/as da Memoria 2016, galardóns que se entregarán na I Gala dos Premios Mestres e Mestras da Memoria a celebrar en Lugo o 19 de marzo.

Tamén o nome do Escritor/a Galego/a Universal 2016, distinción que recollerá Pere Gimferrer na I Gala do Libro Galego que terá lugar o 14 de maio na cidade de Santiago de Compostela. 

Así mesmo, acordouse que Helena Villar Janeiro sexa a próxima “Escritora na súa Terra – Letra E” e, por tanto, quen reciba unha homenaxe que este ano chega á súa vixésimo segunda edición; será no mes de xuño no Concello de Rianxo.

Aprobouse o programa de actividades para o ano, que inclúe como a máis próxima a celebración do vindeiro Día de Rosalía de Castro; o programa aposta por continuar con actividades de traxectoria xa asentada e de alcance social como son os paseos literarios ou os obradoiros da escola de escritoras e escritores.

Tamén a organización ou corganización de xornadas de formación dirixidas ao estudo das diferentes formas de crear literatura contemporánea desde os espazos de formación de novos formadores/educadores/mediadores da lectura. Igualmente se reforza o proxecto coordinado pola sección de Literatura Oral coa celebración dunha gala dos premios mestres e mestras da memoria e a través da celebración de novas polafías e dunha nova edición, a novena, da xornada de literatura de tradición oral.

Asemade, a visibilidade da escritora e do escritor a través da web continuará a ser un eixo central da actuación da entidade co enriquecemento do espazo común e mais de cada páxina individual con que cada socia/o conta no centro de documentación da web da aelg.

Tamén se acordou a incorporación de tres novas vogalías ao Consello Directivo da AELG, as de Ledicia Costas por Vigo, Ramiro Torres como responsábel de comunicación, e mais Afonso Becerra como vogal de literatura dramática.

Anunciouse a creación dunha Sección de Literatura Dramática e confirmouse a participación activa da AELG na plataforma Seguir creando".

Por certo, teño que agradecer e lembrar antes de rematar este post, que en marzo deste 2016 fará un ano que dende a Asociación de Escritoras/es en Lingua Galega me elixiran "Autor da semana" no facebook. Prometo, pois, seguir traballando e escribindo en prol da nosa cultura, do noso patrimonio e das nosas xentes. 

¡Ata a próxima! ¡Saúde para todos/as! ¡Bicos e apertas!

Segue lendo

Julio Sesto, o escritor máis ilustre de O Rosal

Debuxo de Florindo Álvarez Martínez

Quero comezar este ano 2016 lembrando a figura de Julio Sesto, o máis ilustre escritor na historia da nosa vila. Para isto temos que consultar, inevitablemente, a súa biografía publicada na Gran Enciclopedia Gallega e realizada polo investigador -tamén rosaleiro- Xoán Martínez Tamuxe.

Transcribimos e traducimos ao galego o que alí se di do noso escritor máis universal:

"Julio Sesto naceu no Rosal (Pontevedra) o 10 de xullo de 1879 e faleceu en San Ángel (México) o 5 de maio de 1960. 

Seudónimo literario do escritor e poeta Julio Manuel Vicente Sesto. En 1895 emigra a Puerto Rico, onde amplía os seus estudos e en 1897 parte para México, país no que fixa a súa residencia dende 1901, comezando a súa etapa literario-xornalística no diario El Imparcial e continuándoa en El Correo Español e o Diario del Hogar. 

Salta á fama en 1909 coa publicación no Diario de la Marina, da Habana, do poema Las Abandonadas. Durante a súa estadía en España (1911) foi redactor de El Liberal e colaborador de Blanco y Negro, Nuevo Mundo e Ilustración Española y Americana, entre otros. 

A partir de 1917 abandona o xornalismo para dedicarse ao seu labor como escritor, que vai dende a investigación á poesía, dende o teatro á socioloxía, pasando pola historia e a biografía, sendo, ademais, un destacado conferenciante.

Ante a notoria personalidade de Julio Sesto, o hispanista Paravicini, primeiro (1917), como logo (1920) Alfonso Caravioto e José Vasconcelos, nomeáronlle profesor de Literatura e Lengua castelás na Universidade Nacional de México, cargo do que Sesto dimitiu poucos anos despois.

En determinado momento político actuou como “intermediario diplomático” en diferentes cuestións entre España e México, cuxas diferenzas e alonxamento lamentou sempre o escritor.

Julio Sesto fundou en 1971, e tamén dirixiu, a revista ilustrada Tricolor, e catro anos antes creara a importante editorial “El Libro Español S.A.”, na que só se publicaban libros en castelán.

A súa obra literaria está representada por máis de 25 títulos publicados en México e España, aparte dunhas 10 obras inéditas. 

Das súas publicacións é obrigado destacar:

-Ensayos:  

El Pensamiento en América, 4 vol.

Psicología Amorosa

El México de Porfirio Díaz

La Bohemia de la muerte

Las Abejas del Rosal

-Poesía: 

Azulejos (México, 3ª ed., 1942)

Cactus (id., 1921)

Cálices (id., 1940)

El libro que canta  (íd, 1949)

O libriño da ialma (Vigo, 1958)

-Novela: 

La tórtola del Ajusto (México, 4ª ed., 1951)

La casa de las Bugambilias (Barcelona, 4ª ed., 1947)

Cómo ardían los muertos (México, 1955)

La Sangre de España (íd., 1937)

La ciudad de los Palacios (íd. 1958)         

La emperatriz morena (íd. 1957)

Las Abandonadas (íf., 1908)

La Reina de Acapulco (íd. 1935)

Mamacita linda…! (íd. 1927)

Julio Sesto preparaba as súas memorias, cuxa primicia adiantara xa, a través de publicacións na prensa, baixo o título de Las colaboraciones, cando se quitou a vida na súa finca de San Ángel (México). Varias das súas obras foron levadas ao cine". 

Hai que destacar que o Concello do Rosal homenaxeou a Julio Sesto en 1979 coa erección dun monumento na súa honra (obra de Xoán Piñeiro) no centenario do seu nacemento, dedicándolle unha rúa que aínda conserva o seu nome na actualidade.

Cónstanos que Xoán Martínez Tamuxe está ultimando -entre outros traballos- unha ampla biografía de Julio Sesto, en forma de libro, que está á espera de patrocinio para poder ser publicada.

Segue lendo

II edición do Festival Intercéltico de Baíña

Aínda que por motivos laborais non poida estar presente, si o farei de forma "espiritual". A verdade, unha mágoa non poder asistir este sábado 18 de xullo á II edición do Festival Intercéltico de Baíña (Baiona-Pontevedra). 

Tal e como se pode ler en BaionaTV, contará coas actuacións "de Mickey Dunne (Ireland), Bon Tastu (Asturies), Vallama (Cantabria/Castilla & León), Pelepau (Galiza) y Ardentía (Galiza). Será a partir de las 21:30 horas en el Campo de Fútbol de Baíña, con entrada gratuita. Además, el festival es solidario, se recogerán alimentos no perecederos para la ONG Ayuda al Mundo Necesitado de Baiona".

¡De parte de Tamuxe e miña, unha forte aperta aos nosos amigos de Santa Mariña de Baíña! Parece mentira que xa pasaran case que 7 anos da publicación do libro... ¡Vaia se o tempo voa! 

¡Saúdos a todos/as!

Segue lendo

3º aniversario da publicación do meu último libro

Hoxe, 7 de maio, cúmprense exactamente tres anos da presentación oficial ao público do libro Muíños do Porto en fervenza, patrimonio etnográfico de Vilameán-Tomiño, que, xunto a Xoán Martínez Tamuxe, escribín en 2011.

Aínda lembro, como se fora hoxe, a festaza que "armaron" en torno ao "carballo de Vilameán", con visita aos Muíños e churrascada incluída.

Dende aquí, e tamén no nome de Tamuxe, o noso sincero agradecemento e un cordial saúdo para os membros da Comunidade de Montes e da Asociación Cultural "Muíños do Porto", en especial para Celso Fernández Claro, José Antonio Almeida Calzado, Fernando Martínez González, Felipe Martínez Rafael e Rosa Dopazo Rodríguez.

Segue lendo

23 de abril, Día do Libro. Descubre #engalegoleo

Este mércores 23 de abril celébrase en todo o mundo o Día do Libro. (Por suposto, recoméndovos que leades os catro libros que escribín -en galego- xunto con Xoán Martínez Tamuxe).

Segundo me comunican dende a Asociación de Escritoras e Escritores en Lingua Galega, "conscientes da relevancia desta data e da importancia do libro e da lectura no conxunto da cidadanía, a AELG xunto á Compañía de Radio Televisión de Galicia e a Asociación Galega do Libro Infantil e Xuvenil (Gálix), botan a andar unha iniciativa a través da web da CRTVG e de Twitter que, baixo o hastag #engalegoleo, pretende animar o conxunto da cidadanía a recomendar un libro en galego, a explicar por que lles gusta ler, que é a literatura para cada un..."

"En definitiva, trátase de darlle, no Día do Libro, protagonismo esencial á lectura como unha fonte de pracer e compartilo co resto dos internautas-lectores/as-escritores/as que ese día queiran participar".

"A páxina web de referencia é ésta, pero pódese acceder a través do dominio xeral (crtvg.es) desde un banner habilitado para tal efecto". 

¡Bicos e apertas para todos/as... e a ler en galego!

Segue lendo

HOXE RECOMÉNDOVOS O LIBRO "ANTES Y AHORA", DO GUARDÉS EMILIO ROLÁN

Estes días, nos ratiños libres que tiven, rematei por fin a lectura do libro Antes y Ahora, da autoría do profesor e doutor guardés Emilio Rolán Mosquera: "Una visión de cómo era la vida en Galicia hace 60 años (A Guarda y Caldas de Reis), vista por un niño y contada por un viejo".

A obra está dedicada aos seus netos Eric e Carlos, así como a "otros niños de su edad". Pola miña banda, tamén aproveitei para que me botara unha firmiña alá por 2007 cando asistín á presentación do seu libro na sede de ANABAM. 

A miña noraboa para Emilio Rolán por plasmar perfectamente nas preto de 200 páxinas da publicación, unha boa parte da situación de Galicia e os seus habitantes na metade do século XX, pois fala de case que todo: a televisión, a música, as costumes, a política, o estudo, o deporte, o mar, a pesca, a relixión, a educación, a natureza, a morte, a muller... 

Sen dúbida, libro recomendable e ameno 100%.

Segue lendo

A obra histórico-literaria de Juan Ramón

(Foto: Hernández // Concello de Ponteareas)

Juan Ramón Martínez Barbosa ten publicado diferentes artigos en folletos, revistas e libros de festas, colaborando asiduamente con colaboracións literarias e gráficas en xornais como Faro de Vigo, La Voz de Galicia ou Atlántico Diario.

É coautor dos seguintes libros, na compaña do escritor e investigador Xoán Martínez Tamuxe:

•Memoria Histórica da capela da Madanela no Monte da Pedrada e vestixios dunha fortaleza (2007).

•Santa Mariña de Baíña e o Eremitorio de San Cosme (2008).

•Os muíños do Folón e do Picón na vila do Rosal. Conxunto histórico-etnográfico de Galicia (2009). 

•Muíños do Porto en fervenza, patrimonio etnográfico de Vilameán - Tomiño (2011).

Na actualidade -e dende maio de 2008- segue redactando e dirixindo a web cultural e deportiva Noticias O Rosal, con miles de seguidores nas redes sociais.

Un ponteareán, autor do monumento a Frei Rosendo Salvado é o seu artigo máis recente, publicado na revista internacional Pregón. 

Segue lendo