Vídeo da "inesquecible" Experiencia Ecotur

Velaquí vos deixo este pequeno vídeo-resumo da Experiencia ECOTUR de Uniminho/Associação do Vale do Minho Transfronteiriço, na que tiven o pracer de participar hai unhas semanas explicando a Cultura Cabaqueira no Centro Etnográfico "Casa dos Oficios do Rosal" ou mesmo guiando varias rutas da Experiencia A (visita aos muíños do Folón e do Picón) e C (petróglifos de Ghorghalado en Eiras).

Como ben din dende a Experiencia Ecotur, certamente foi incomparable e inesquecible. ¡Parabéns á organización!

Segue lendo

Entrevista na TVG sobre os Muíños do Folón

Velaquí vos deixo o pequeno vídeo -emitido hai uns días- da reportaxe e entrevistas que Coímbra e máis eu concedimos ao programa A Revista (Televisión de Galicia) sobre a ruta máis universal de O Rosal.

Como guía deste máxico enclave e como director de Miño Films e do Documental Muíños do Folón-Picón, o meu agradecemento á canle autonómica por interesarse polo noso proxecto e, como non, por promocionar este magnífico conxunto histórico-etnográfico rosaleiro.

Segue lendo

OS MUÍÑOS DO FOLÓN-PICÓN E A VILA DO ROSAL, DE NOVO NA TELEVISIÓN DE GALICIA

Onte, mércores 25 de setembro, púñanse en contacto comigo dende a Televisión de Galicia para comunicarme que á noite se emitiría de novo o programa "Na Terra de... Os Muíños" (fai click no enlace ou aquí para ver a reportaxe completa).

Por segunda vez, saíron na canle autonómica as imaxes que gravamos o pasado 3 de maio na ruta realizada polos Muíños do Folón e Picón, no Rosal.

Cunha mistura de tristeza, melancolía é a vez, esperanza, estiven vendo outra vez a reportaxe. -"¿Que máis se pode pedir?". Con esta retórica pregunta finalizaba a miña intervención diante das cámaras... e onte nada máis rematar de mirala -case instintivamente- dinlle resposta: "Que deixen de queimar o monte".

Hoxe, 26 de setembro, xusto un mes despois daquel fatídico incendio na nosa Comarca, non fun capaz de volver a percorrer a miña senda preferida por excelencia, rexeitando aínda propostas para guiar varias rutas. 

Pero bueno, hai que ser positivos, así que teño o profundo convencemento de que entre todos/as loitaremos para que este tipo de desgracias non se volvan a repetir xamais.

¡¡Coidemos, por favor, deste noso pequeno paraíso na Terra!!

Segue lendo

VISITA NOCTURNA AOS PETRÓGLIFOS DA PEDREIRA E DA POUSADELA (OIA)

Segundo comunica ACAMO (Asociación Cultural Amigos do Mosteiro de Oia) este sábado 10 de agosto celebrarase unha visita nocturna ao petróglifo da Pedreira, en Santa María de Oia e da Pousadela en Pedornes.

Esta visita será guiada por membros de ACAMO, sendo a saída ás 21:30 horas dende a Praza da Centinela, en Santa María de Oia, xunto á Oficina de Turismo.

Para inscribirse nesta andaina (2 €), pode facerse a través do email da oficina de turismo, oit.concelloia@gmail.com, na propia oficina ou no teléfono 986 36 22 25.

Velaquí vos deixo o enlace á crónica e a reportaxe fotográfica que realicei con motivo da presentación da Ruta Máxica de Oia.

Segue lendo

ANDAINA POLO CAMIÑO PORTUGUÉS DA COSTA ENTRE A GUARDA E OIA (15 KM)

O SÁBADO 22 DE XUÑO, QUINTA ANDAINA DO 2013:

CAMIÑO PORTUGUÉS DA COSTA ENTRE A GUARDA – OIA

Segundo nota de prensa remitida ao meu correo (juanorosal@hotmail.com) infórmanme de que "A concellaría de Deporte da Guarda e ACAMO, Asociación Cultural Amigos do Mosteiro de Oia, organizan para este sábado 22 de xuño unha andaina cun percorrido guiado duns 15 km. Deste xeito, preténdese conmemorar os 82 anos da declaración do Castro de Santa Trega e o Mosteiro de Oia como Bens de Interese Cultural (BIC).

Os participantes nesta andaina percorrerán o tramo do Camiño Portugués da Costa que une estes dous BICs e grazas ás explicacións de ACAMO poderán coñecer mellor estes emblemas do Baixo Miño e doutros lugares de interese da Guarda, do Rosal e de Oia: A ermida da Guía, a pequena igrexa de San Xián, a de San Sebastián e por suposto, o mosteiro cisterciense de Oia.

A ruta dará comezo ás 9,30 horas da Alameda e recórdase que nesta ocasión non hai traslado en autocar de regreso, polo que haberá que desandar o Camiño da Costa para volver A Guarda, polo que aqueles que desexen dar por concluída a etapa en Oia deben de organizar o regreso pola súa conta.

Nesta ocasión a participación é gratuíta (non hai traslado incluído) aínda que se recomenda informar no Concello (tel. 986.614.546 ou turismo@aguarda.es) do interese en participar na Andaina. Deste xeito, terase coñecemento do número aproximado de participantes e así facilitar a organización dos guías de ACAMO.

Recoméndase levar:

 - Mochila con menos de 5 kg.

 - Sempre provisto de auga.

 - Bocadillo ou comida.

 - Chocolate, froitos secos,...

 - Bastón.

 - Calzado cómodo e elástico (recomendable non utilizar un calzado novo)

 - Gafas de sol, crema protectora.

 - Impermeable (en previsión de mal tempo)".

Segue lendo

ESTE SÁBADO 15 DE XUÑO CELÉBRASE A XII ANDAINA O ROSAL. COÑECE O TEU CONCELLO

O vindeiro sábado 15 de xuño, celebrarase a XII Andaina O Rosal. Coñece o teu concello 2013. Estaba prevista para este sábado 8 de xuño pero por mal tempo pasa a esa data. O punto de encontro e partida da ruta será as inmediacións da capela de San Vicente en Marzán, ás 16:00 horas cun percorrido de aproximadamente 10 km.

Alí se poderán admirar en primeiro lugar os dous sepulcros visigóticos antropomorfos, datados nos séculos V-VI.

Marzán é unha das xuradías máis ricas en material arqueolóxico, xa prehistórico, xa histórico e calcúlase que a ermida de San Vicente veu a santificar algún primitivo “santuario pagán”.

Xa nos séculos VI e VII, houbo un centro ou templo cristián. A capela se atopa mencionada no século XIV. Alí preto produciuse un dos achádegos máis importantes do municipio: un ara romana con inscrición, dedicada á deidade Mercurio.

Os participantes poderán visitar igualmente, a Cruz de Peitoril, o Campo do Couto e a zona da Campá, o Torroso, etc, cunhas impresionantes vistas cara a costa do Rosal e A Guarda, ademais de coñecer os diferentes petróglifos e muíños hidráulicos da zona.

Para apuntarse a esta XII Andaina -a inscrición é gratuíta- e para máis información, poden achegarse ata o Concello do Rosal ou chamar ao seu teléfono: 986 62 50 00.

Segue lendo

XI ANDAINA DO ROSAL POLAS PARROQUIAS DE SAN XOÁN DE TABAGÓN E DAS EIRAS

O pasado sábado 11 de maio, ao igual que as dez anteriores edicións, guiei a "XI Andaina O Rosal. Coñece o teu concello, 2013" que percorreu as parroquias de San Xoán de Tabagón e San Bartolomeu das Eiras.

Con aproximadamente medio cento de participantes visitamos, en primeiro lugar, as Adegas Valmiñor, que foi o punto de partida desta ruta deportivo-cultural. Alí nos recibiron Elena e Alba, amosándonos as modernas instalacións desta adega acollida á Denominación de Orixe Rías Baixas. Dende aquí, o meu sincero agradecemento pola súa amabilidade e o seu exquisito trato.

Seguidamente e a poucos metros, coñecimos o petróglifo de Ghorgholado (manifestación rupestre de época prehistórica, cando menos da Idade do Bronce Final, 1200-100 a 700-600 antes de Cristo), os cruciformes das Ramallas, camiñamos ata a Capela da Magdalena (s.XII), a igrexa parroquial das Eiras (s. XVIII) e mesmo baixamos ata a coñecida praia fluvial.

A comezos da semana que vén publicarase na web do Concello do Rosal a reportaxe fotográfica deste evento e, a falta de confirmar o horario e o itinerario completo, a seguinte ruta, que será a "XII Andaina" terá lugar o sábado 8 de xuño, tamén de tarde.

Segue lendo

COMIENZAN LAS ANDAINAS Y RUTAS GUIADAS POR O ROSAL Y LA COMARCA DEL BAIXO MIÑO

Hola!! Qué tal!! Por fin llegó el buen tiempo, así que os comunico que en breve comenzaré con las andainas y las rutas guiadas!!

Como algunos/as ya sabéis, he creado una empresa y ahora trabajo como autónomo, realizando múltiples y diferentes actividades socioculturales por el Baixo Miño destinadas a personas particulares, asociaciones, instituciones, etc. (En las imágenes, guiando al profesorado del Colegio Doctor Fleming de Vigo y a las alumnas de la Escuela Superior de Turismo Welton, también de Vigo, por el sendero de los Molinos de Folón-Picón).

Aprovecho para deciros que si estáis interesados/as en estas rutas  culturales guiadas por la Comarca, en mis reportajes fotográficos o incluso que colabore en la promoción y difusión de vuestras ideas-eventos, no lo dudéis: juanorosal@hotmail.com / 637 311 007.

Gracias y un abrazo!!

Segue lendo