Un gran petróglifo e unha ruta digna de admirar

O pasado sábado 12 de decembro, de mañá, asistín á presentación oficial do recén recuperado Petróglifo de Ghorghalado, sito na parroquia rosaleira de San Bartolomeu das Eiras.

Nesta primeira visita, despois da restauración e intervención sobre os gravados por parte dos correspondentes organismos, convidados polo Concello do Rosal, achegueime co meu pai, o historiador e arqueólogo Xoán Martínez Tamuxe.

Xa de tarde, na andaina organizada tamén polo Concello e dirixida por Antonio Castro Rozados, con paseo á capela da Madanela pola súa fermosa senda, cunhas paisaxes dignas de admirar, fun na compaña do amigo escultor da vila, Julio Martínez Martínez.

A partir de agora vén, quizais o máis difícil, o mantemento deste patrimonio. Agardemos que a conservación, limpeza e o civismo da xente que o visita, estea á altura do descubrimento e da actuación levada a cabo. 

Hai que ter fe en que si, xa que non cabe dúbida que é unha importante parte da nosa cultura, das nosas raíces. Dende aquí, noraboa a todos/as que o fixeron posible.

Reportaxe fotográfica completa desta xornada realizada por Infomiño.

Segue lendo

A web cultural "Noticias O Rosal" cumpre 7 anos

Boas a todos/as!

Pois si, é un pracer comunicarvos que este mes cúmprense exactamente ¡¡7 anos!! da fundación da web cultural Noticias O Rosal.

Un 16 de maio de 2008 deume por crear un blog -en galego, apolítico e independente- sobre a miña querida vila rosaleira, que, por certo, a día de hoxe, se mantén na Rede sen ningunha axuda económica pública ou privada. 

Pensándoo ben co paso dos anos, quizais -seguramente- influíu daquela o repentino falecemento, días antes, dun dos mellores profesores que tiven, Xosé Carlos Gómez Alfaro (ademais de gran escritor e magnífico poeta). Non en van, este blog persoal dende o que vos escribo tamén naceu por aquelas datas, sendo a primeira entrada, unha pequena homenaxe á súa persoa.

Pola súa banda, o amigo escultor rosaleiro Julio Martínez foi o protagonista da primeira noticia da web, con motivo dunha exposición súa na vila da Guarda. 

Aínda que dende 2013 xa non se realizan reportaxes fotográficas, Noticias O Rosal segue compartindo na web e nas redes sociais (con miles de seguidores) as novas máis salientables do día a día da vila e dos seus veciños.

Como director de Noticias O Rosal, a "web cultural e voluntaria da información do Baixo Miño", o meu sincero agradecemento a todos/as por estar aí durante estes 7 anos. 

Sempre que a ilusión e o meu "tempo libre" o permitan, podo asegurarvos que se seguirá actualizando. ¡GRACIÑAS!

¡Saúdos a todos os lectores/as, que aínda que a páxina "fale" en galego, seguídela dende México, Suiza, Estados Unidos, Portugal, Francia, Reino Unido, Brasil, Alemaña, Venezuela, etc, etc! 

¡Bicos e apertas!

Segue lendo

Admiración e recoñecemento para Julio Martínez

Abro hoxe, domingo 7 de decembro, o facebook e me atopo con esta foto compartida da pasada Andaina 10k O Rosal. Feira do Viño e cun comentario -case a modo de pequeno artigo ou reflexión- do escultor rosaleiro Julio Martínez Martínez.

Certamente a admiración e recoñecemento á súa persoa e ao seu traballo son, por suposto, mútuos... e como diría o outro Julio -Iglesias-: "Y lo sabes". 

Non en van, hai unhas semanas convidaba nas redes sociais a visitar o seu blog, cun pequeno titular: "Calidad humana, artística y trabajo, 100% recomendable". Hoxe,  claro está, reafírmome en todo o dito.

En verdade, non me gusta moito que "me boten flores", pero vindo de Julio Martínez estas palabras toman para min un gran valor. Creo que se pasa un pouco pola amizade que nos une (jeje) pero aínda así quero dende aquí agradecerlle este detalle comigo.

Sen dúbida, pareza tontería ou non, me dará forzas para afrontar con máis alegría e ilusión calquera proxecto ou actividade deportivo-cultural que sirva para disfrute de todos os veciños/as do noso querido Rosal e do Baixo Miño.

¡Unha forte aperta!

Segue lendo

Gracias a todos los que forman 10k O Rosal

Meses de mucho trabajo e ilusión culminaron el pasado 20 de julio en la rosaleira Praza do Calvario, con la celebración de la primera edición de la andaina y la carrera 10k O Rosal Feira do Viño.

Desde aquí, en primer lugar, mi agradecimiento para Serafín Martínez Acevedo y Óscar Vicente Rodríguez, coordinadores e impulsores de este evento deportivo-cultural, que me confiaron la dirección de la andaina. 

Mi reconocimiento y gratitud a los casi 500 participantes, a los voluntarios, colaboradores y patrocinadores de este 10k O Rosal Feira do Viño 2014. Tengo la agradable sensación de que con la fuerte unión y compromiso de todos hemos conseguido hacer algo, grande, muy grande. 

Quisiera destacar la profesionalidad e implicación mostrada en todo momento por el periodista Terio Carrera, nuestro speaker oficial del 10k O Rosal. 

La sencillez, cercanía y gran humor del actor Marcos Pereiro, así como la fantástica predisposición y entusiasmo de Julio Martínez, escultor de la villa, que no duda nunca en colaborar en pro de la cultura de su pueblo, esta vez con una exposición al aire libre que pudimos admirar durante la andaina.

¡Gracias al Concello, a Banco Mediolanum, a Championchipnorte, a Cristóbal Coímbra, a Sergio Casal "Yeya", a las bodegas, Restaurante Juan, Bodegón-Tapería Os Seixiños, etc, etc... a todos, enhorabuena por vuestra ayuda y colaboración!

Os invito a que visitéis el perfil oficial de facebook del 10k O Rosal, donde aún a día de hoy se están publicando cientos de imágenes de esta jornada deportiva y cultural inolvidable.

Todas las clasificaciones y resultados de la carrera 10k O Rosal, que finalmente ganaron Nuno Ribeiro y Paula Mayobre, en este enlace.

Vídeo resumen del 10k O Rosal. Feira do Viño.

Segue lendo

Nova obra de Julio Martínez, escultor do Rosal

Hoxe, martes 1 de xullo, achegueime ata o barrio de Caselas (Fornelos-O Rosal) tras recibir a invitación do escultor da vila, Julio Martínez Martínez, para coñecer no seu taller a súa última obra.

Trátase dun busto -a piques de ser rematado- dun coñecido persoeiro xa falecido, que foi encargado por un particular e que marchará estes días rumbo a Porriño. O seu tamaño ronda os 70 cm de alto polos 50 cm de ancho (con estas proporcións "reais" estaríamos falando dunha persoa que mediría uns 3'20 metros... ¡case nada!).

O rosaleiro Julio Martínez Martínez segue desta maneira coa súa autodidacta, progresiva e, a bo seguro, imparable faceta artística. De feito, a súa excelente calidade escultórica, á vista queda... da calidade humana, só vos convido a que o coñezades. De 10.

E falando de 10... ¡Xa vos anuncio -con orgullo e satisfacción- que Julio Martínez colaborará co evento deportivo-cultural 10k O Rosal Feira do Viño! En concreto na andaina, pois os participantes tamén poderán disfrutar da visita -preto da Pesqueira- a unha idílica exposición ao aire libre con diferentes obras da súa autoría.

Segue lendo

PRESENTACIÓN DO LIBRO "HISTORIA DE GALICIA" NO CENTRO SOCIAL FUSCALHO

O pasado venres 15 de novembro, despois da visita a La Casa Taller, achegueime con Gemma e Julio ata o Centro Social Fuscalho*, tamén de A Guarda, para asistir á presentación do libro Historia de Galicia, da autoría do recoñecido catedrático e doutor, Anselmo López Carreira.

Neste acto cultural puiden saudar entre o público, ademais da propia xente do "Fuscalho", ao cabaqueiro e artesán rosaleiro, José Álvarez Alonso "Buraco" e ao estudoso guardés, José Antonio Uris Guisantes.

Cunha magnífica oratoria, o historiador galego López Carreira cautivou aos asistentes explicando os pormenores dun libro que contén máis de 300 páxinas e que pretende ser claramente divulgativo, "focalizado dende unha perspectiva na que Galicia constitúe o seu propio centro".

Dende aquí, a miña noraboa a Anselmo López Carreira pola publicación deste seu novo libro e ao C.S. Fuscalho, por acoller este tipo de iniciativas culturais.

*O Centro Social Fuscalho atópase en nova localización dende o 25 de outubro, isto é, emprazado no antigo local do restaurante Balueiro, no Paseo Marítimo de A Guarda.

Segue lendo

VISITA A "LA CASA TALLER" (A GUARDA), NA COMPAÑA DO ESCULTOR JULIO MARTÍNEZ

Gemma Marqués, Julio Martínez, Daniel Alonso e Bruce Salinas

Este venres 15 de novembro, visitei por fin, co amigo escultor Julio Martínez Martínez, La Casa Taller en A Guarda (Pontevedra), aproveitando a invitación para ver a exposición "Japónica. Conexiones artísticas japo-guardesas" que estará aberta ao público ata o 30 de novembro (de 18 a 21 horas).

Sen dúbida, La Casa Taller é lugar obrigado para os amantes da arte, da cultura... e máxime, para o potencial turista que decida achegarse ata a vila da Guarda e ao Baixo Miño. Unha pequena proba de todo isto é, precisamente a mostra internacional "Japónica".

Dende aquí, todo o meu apoio e agradecemento aos artistas Gemma Marqués e Daniel Alonso, anfitrións deste fermoso espazo creativo en pleno paseo marítimo guardés.

P.D.: Déixovos o vídeo de presentación da banda The Loopholes, formado polo propio Daniel Alonso e Bruce Salinas (co que cadramos tamén o venres, no ensaio deste dúo, que pronto sacará un single en vinilo).

Segue lendo

VISITA CO ESCULTOR JULIO MARTÍNEZ AOS IMPRESIONANTES PETRÓGLIFOS DO TETÓN

O pasado venres 9 de agosto, despois de asistir no pavillón municipal do Rosal aos actos da I Xuntanza do Mecalia Atlético Novás, achegueime ata a vila de Tomiño.

Concretamente fun na compaña do amigo Julio Martínez Martínez, escultor rosaleiro, a un "interesante e moi divertido coloquio" sobre gravados rupestres celebrado diante da casa do concello de Tomiño e a unha visita nocturna que nos levou a coñecer dunha singular maneira os petróglifos do Monte Tetón.

Este evento, que estivo organizado polo municipio tomiñés e polo Instituto de Estudos Miñoranos, contou coa dirección e explicacións oportunas de Xosé Lois Vilar Pedreira, historiador, arqueólogo e subdirector do IEM, ademais da colaboración de diferentes membros deste colectivo.

Felicitar dende aquí aos organizadores e promotores deste tipo de actividades socioculturais, xa que sen dúbida enriquecen en gran medida a sabedoría popular da xente da Comarca. 

Ademais, fai ser consciente dunha forma amena a todo aquel participante, da defensa que todos xuntos debemos realizar deste patrimonio de incalculable valor, obra dos nosos antepasados. 

De día, no petróglifo de Portaxes (Calcolítico-Idade do Bronce: 3000-2000 antes de Cristo).

Segue lendo

EXPOSICIÓN DE XOÁN PIÑEIRO. TALLER E ARTISTA. ESTE SÁBADO DÍA 13 NA GUARDA

Tal e como se comunica dende a concellaría de Cultura da Guarda e hoxe lembran nas redes sociais escultores como o rosaleiro Julio Martínez Martínez, este sábado 13 de xullo ás 21.00 horas, inaugúrase na Casa dos Alonsos (Praza do Reló) unha exposición dedicada a Xoán Piñeiro.

A mostra, cuxa comisaria será a súa filla, Cuqui Piñeiro, "broncista e herdeira do legado do seu pai dende a Fundición Artebronce (antano taller de Xoán Piñeiro) de Goián", estará aberta ao público ata o 1 de setembro deste ano, de martes a sábado (de 11 a 14 e de 20 a 22 horas) e o domingo (de 11 a 14 horas).

Segue lendo