Este blog vén de ilustrar unha reportaxe da TVG

Este sábado 12 de marzo, a Televisión de Galicia (TVG) vén de ilustrar a reportaxe sobre o piloto rosaleiro Gabriel Marcelli Carballido, cunha captura de pantalla deste blog (sobre o min. 2:30), con motivo da "reaparición" do noso campión hai uns meses, logo do seu grave accidente.

O título da entrevista: "Gabriel Marcelli, camiño á cima".

Podedes ver aquí este especial sobre Gabriel Marcelli, seis veces campión de Galicia e tetracampión de España de trial.

Segue lendo

Dani Cerqueira e Paulo Dacosta, na Copa EHF

O pivote Dani Cerqueira e Paulo Dacosta, extremo esquerdo. (Fotos: Cangas)

Os rosaleiros Dani Cerqueira e Paulo Dacosta, ambos xogadores do Club Balonmán Cangas Frigoríficos do Morrazo, veñen de disputar co seu equipo a ida da 3ª ronda da Copa EHF (European Handball Federation) fronte ao CSM Bucarest de Rumanía.

O partido, que se disputou no pavillón Concordia Hall de Chiajna, ante uns 800 espectadores, non foi todo o bo que se esperaba e o Cangas sufriu unha dura derrota (31-24) na súa estrea europea. 

Será no Gatañal onde os pupilos de Víctor García "Pillo" terán que intentar remontar eses 7 goles para alcanzar a fase de grupos da Copa EHF.

O equipo dos rosaleiros visita hoxe (20:15 horas) a pista do Fertiberia Puerto Sagunto coa intención, según La Voz de Galicia, "de desquitarse de su derrota europea ante el Bucarest y de buscar un triunfo que le permita mantener intactas sus opciones de luchar por clasificarse para la Copa Asobal. Un triunfo supondría la novena jornada consecutiva ganando para los de Pillo".

¡Dende aquí moito ánimo e sorte para o Cangas e en especial para Dani e Paulo, que verdadeiramente xa fixeron historia para O Rosal competindo en Rumanía! 

P.D.: Lembrade, a volta, contra o CSM Bucarest, este domingo 29 de novembro (19:00 horas, TVG 2).

Segue lendo

Entrevista na TVG sobre os Muíños do Folón

Velaquí vos deixo o pequeno vídeo -emitido hai uns días- da reportaxe e entrevistas que Coímbra e máis eu concedimos ao programa A Revista (Televisión de Galicia) sobre a ruta máis universal de O Rosal.

Como guía deste máxico enclave e como director de Miño Films e do Documental Muíños do Folón-Picón, o meu agradecemento á canle autonómica por interesarse polo noso proxecto e, como non, por promocionar este magnífico conxunto histórico-etnográfico rosaleiro.

Segue lendo

Reportaxe do Folón-Picón en A Revista (TVG)

Coímbra, nun momento da súa entrevista para a TVG

Hoxe, xoves 18 de xuño, Cristóbal Coímbra e máis eu estivemos nos Muíños do Folón-Picón (O Rosal) para ser entrevistados no programa da Televisión de Galicia, A Revista (xa vos avisarei cando se emite, pero o máis seguro, para a semana).

O Documental que estamos realizando sobre estes enxeños hidráulicos da nosa vila foi un dos eixes centrais das preguntas de Jesús, redactor da canle autonómica.

Na seguinte crónica do meu blog profundizarei tamén en cuestións como o concurso da Guía Repsol, El Mejor Rincón 2015, no que o conxunto dos 67 Muíños do Folón-Picón é un dos 17 candidatos. 

Elixirase o lugar máis especial de España, polo seu valor cultural ou natural... e abofé que -sen menospreciar ningún outro sitio- tanto pola súa cantidade de muíños, como pola súa disposición xeográfica e pola infinidade de atractivos históricos, visuais e paisaxísticos deste Paraíso, na miña humilde opinión, o "Folón-Picón", meréceo.

Segue lendo

Saúdo de "Isi" (TVG) para Miño Films

Foto: (CRTVG)

O noso agradecemento ao humorista, actor e presentador estradense José Manuel Rodríguez Puente, máis coñecido como "Isi", que nos vén de enviar un saúdo para Miño Films.

"Isi" foi gañador do concurso "O Rei da Comedia" da Televisión de Galicia en 2002 e ten participado en programas tan populares como "Supermartes", "Landrober", "Tourilandia" así como "Libro de Familia", "A Solaina" ou "Entre familias anda o xogo" (TVG).

Segue lendo

Terio Carrera, speaker oficial del "10k O Rosal"

Entrevistando a Ezequiel Mosquera, bajo la atenta mirada de Serafín Martínez

El próximo domingo 20 de julio, en plena XXII Feira do Viño, será, sin lugar a dudas, una jornada deportivo-cultural sin precedentes en nuestra villa. 

Como sabéis, se celebra la carrera-andaina 10k O Rosal Feira do Viño y ya conocemos al speaker oficial: Terio Carrera, actual director de Deportes de la TVG (Televisión de Galicia).

Ezequiel Mosquera, Serafín Martínez, Terio Carrera, Iván Raña y Juancho Armental

No será la primera vez que el conocido presentador coordine un acto deportivo en O Rosal, como podéis ver en este enlace de una charla-coloquio sobre ciclismo celebrada en 2009. 

En la compañía de Julia Vaquero durante la presentación del 15k del Atlántico

Asimismo, hay que destacar que la figura de Terio está ligada igualmente a otra carrera, el 15k del Atlántico, gracias a la intermediación de nuestro común amigo, Serafín Martínez Acevedo, exciclista profesional y organizador de este tipo de eventos deportivos.

Segue lendo

Roberto Vilar apoia o "10k O Rosal Feira do Viño"

¡Boas a todos e todas! ¡Que tal! 

É un pracer anunciarvos que o recoñecido humorista e actor Roberto Vilar, actual presentador de "Entre familias anda o xogo" (TVG), vén de amosar o seu apoio ao 10k O Rosal Feira do Viño, que se celebrará o vindeiro 20 de xullo de 2014. ¡Graciñas!

Como sabedes, a andaina sairá ás 10:30 horas, comezando a carreira ás 11:30 horas. Os dous eventos, terán o seu punto de encontro na Praza do Calvario, centro neurálxico da vila do Rosal (Pontevedra).

O 10k O Rosal coincidirá, precisamente coa XXII edición da nosa Feira do Viño, que este ano se celebra os días 18, 19 e 20 de xullo. Na imaxe, o cartel anunciador, obra de Rubén Alesandro Lucas García.

Segue lendo

O actor Marcos Pereiro estará no 10k O Rosal

O actor Marcos Pereiro, coñecido principalmente polo seu papel en "Mucha e Nucha" (as irónicas pandereteiras de Ardebullo-Luar-TVG), confirma a súa presenza na saída do 10k O Rosal Feira do Viño.

Marcos súmase así ao apoio doutros persoeiros do mundo da cultura, do deporte e das artes á carreira e á andaina que, como sabedes, se celebrará na vila rosaleira o domingo 20 de xullo deste 2014.

Segue lendo

CASTING DE HUMORISTAS EN TUI PARA O PROGRAMA "MÁIS RETRANCA" DA TVG

Segundo me veñen de comunicar dende Adivina Producciones, unha produtora audiovisual de A Coruña, están a preparar na actualidade "un programa de humor para Televisión de Galicia titulado Máis Retranca, no que pretendemos atopar novos talentos do humor en Galicia".

O programa consiste na "grabación dun casting en diferentes pobos de Galicia buscando xente que faga humor", ben sexa contando chistes, facendo monólogos, imitacións, sketchs, etc.

¡O vindeiro domingo 9 de febreiro gravarán o casting en Tui!

Para quen se anime podedes contactar da seguinte forma:

Teléfono: 649 827 061

E-mail: maisretranca@adivina.com

Segue lendo

PROGRAMA COMPLETO DO "ESPECIAL SAN MARTIÑO" (TVG), COA ROMARÍA DO ROSAL

O luns 11 de novembro, emitiuse na Televisión de Galicia o "Especial San Martiño" con imaxes gravadas no Rosal da nosa tradicional Romaría, dende a igrexa parroquial de Santa Mariña ata a capela do santo, no Campo do Couto.

A reporteira Alicia Lombán Pazos e un cámara da TVG percorreron todo o camiño (uns 12 km en total, ida e volta) e falaron con multitude de veciños/as.

A canle autonómica tamén estivo en Arbo, Folgoso do Courel, Vigo, Moaña, Ourense, etc., con este resultado final: 

http://www.crtvg.es/tvg/a-carta/san-martino

Segue lendo

A ROMARÍA DE SAN MARTIÑO (O ROSAL), HOXE, NA TELEVISIÓN DE GALICIA (TVG)

A romaría de San Martiño, que se celebrou onte domingo, con saída dende a igrexa parroquial de Santa Mariña do Rosal ata a capela do santo, no Campo do Couto, será protagonista hoxe, luns 11 de novembro, no "Especial San Martiño" que emite a Televisión de Galicia ás 23:30 horas.

Tal e como se anuncia dende A Galega, "Arbo, Folgoso do Courel, O Rosal, Esgos, Moaña e Ourense serán algúns dos destinos dun espazo dedicado a unha das festas galegas máis asentadas".

Segue lendo

O ROSAL E A FESTA DO CABAQUEIRO ACOLLEN O ÚLTIMO PROGRAMA DE VAIA TROULA (TVG)

Tal e como vos anunciara no último post do meu blog, as cámaras da Televisión de Galicia estiveron no Rosal o pasado sábado 12 de outubro, na XXVI Festa do Cabaqueiro.

O equipo do coñecido programa Vaia Troula, que presenta Nieves Rodríguez, gravou durante toda a tarde, tanto a demostración do lasqueo dos cabaqueiros, como tamén algunhas imaxes xogando ao futbolín e realizando pequenas entrevistas a veciños e veciñas da Comarca, que se achegaron ata a Praza do Calvario.

A verdade é que aínda foron unhas risas, pois nunha das gravacións tocoume botar unhas partidas coas reporteiras do programa (alá polo minuto 33). Un pracer compartir "mandos" e Festa do Cabaqueiro con Nieves, Paula Señarís, Alicia Lombán e Olaya Rivas.

Segue lendo

A TVG ESTARÁ NA ENTREGA DE PREMIOS DO V CAMPIONATO DE FUTBOLÍN OS CABAQUEIROS

Este sábado 12 de outubro ás 16:30 horas na Praza do Calvario (O Rosal) terá lugar a entrega de premios aos xogadores do V Campionato de Futbolín Os Cabaqueiros 2013.

Segundo me veñen de comunicar dende a Televisión de Galicia, un dos programas máis coñecidos da canle autonómica estará coas súas cámaras gravando este acto lúdico-deportivo.

Segue lendo

OS MUÍÑOS DO FOLÓN-PICÓN E A VILA DO ROSAL, DE NOVO NA TELEVISIÓN DE GALICIA

Onte, mércores 25 de setembro, púñanse en contacto comigo dende a Televisión de Galicia para comunicarme que á noite se emitiría de novo o programa "Na Terra de... Os Muíños" (fai click no enlace ou aquí para ver a reportaxe completa).

Por segunda vez, saíron na canle autonómica as imaxes que gravamos o pasado 3 de maio na ruta realizada polos Muíños do Folón e Picón, no Rosal.

Cunha mistura de tristeza, melancolía é a vez, esperanza, estiven vendo outra vez a reportaxe. -"¿Que máis se pode pedir?". Con esta retórica pregunta finalizaba a miña intervención diante das cámaras... e onte nada máis rematar de mirala -case instintivamente- dinlle resposta: "Que deixen de queimar o monte".

Hoxe, 26 de setembro, xusto un mes despois daquel fatídico incendio na nosa Comarca, non fun capaz de volver a percorrer a miña senda preferida por excelencia, rexeitando aínda propostas para guiar varias rutas. 

Pero bueno, hai que ser positivos, así que teño o profundo convencemento de que entre todos/as loitaremos para que este tipo de desgracias non se volvan a repetir xamais.

¡¡Coidemos, por favor, deste noso pequeno paraíso na Terra!!

Segue lendo