Graciñas a todos/as por este histórico ano 2015

Non podo máis que agradecer inmensamente a todos/as a confianza que depositáchedes en min este ano 2015. Agardo que sigades nesta "fantástica liña" en 2016 (jeje).

En serio, graciñas de corazón a todas as entidades, tanto públicas como privadas, que contáchedes comigo para presentar eventos, guiar andainas e rutas, ofrecer explicacións, escribir discursos, elaborar artigos, etc.

Especial recoñecemento, dende aquí, ao concello do Rosal, ao de Ponteareas, A Guarda e Oia, ao Club Ciclista O Rosal, ao Acanor Atlético Novás, a Luis Paz e Fáunicas, a Sergio Trinta e o Seixiños, á AELG, a Bluscus, á Experiencia Ecotur e Uniminho, etc, etc. 

Este ano foi un "non parar" -con viaxe dun mes por Canadá e EEUU incluída- pero orgulloso de traballar e dar o máximo pola miña vila do Rosal, polos meus veciños da "Comarca" e polos meus paisanos de Galicia. Aínda que tiven que sacrificar moito tempo de lecer persoal, confésovos que, por suposto, ¡valeu a pena!

Aproveito dende aquí, xa que moitos me preguntáchedes, que precisamente, despois de 3 anos como autónomo, dende o pasado 2015 traballo e facturo como "freelance" (profesional por conta propia do mundo audiovisual, da comunicación e da cultura). 

¡Que pasedes un Feliz 2016, moita saúde e para o que precisedes, aquí estou á vosa disposición! ¡Bicos e apertas para todos/as!

Segue lendo

Presentación de "Quince" en el Monte Sta. Trega

Hoy, martes 15 de diciembre -día con una lluvia y viento de cuidado- asistí con Xoán Martínez Tamuxe como invitados a la presentación del libro Quince de Mario Crecente*, que ha tenido lugar en el Hotel Pazo de Santa Trega en A Guarda (Pontevedra).

La publicación hace un recorrido por los quince años (2000-2015) de Crecente Asociados, empresa especialista en arquitectura, patrimonio y turismo. No en vano, fue la encargada en 2010 del Plan director del Monte Santa Trega y cuyo promotor era la Consellería de Cultura e Turismo de la Xunta de Galicia.

Gracias desde aquí a Mario por la invitación para compartir el 15º aniversario de su empresa, por esos ricos pinchitos que sentaron también (a las 15:00 h). Por cierto, cosa curiosa y fijo que "adrede", fue a parte de la hora, la fecha elegida (15-12-2015), las medidas del libro (15x15)...

Próximamente, se publicará más información y las fotos oficiales que se realizaron del acto, al que también asistieron -entre otros- el alcalde de A Guarda, Antonio Lomba y el concejal de Patrimonio, Javier Crespo.

*Mario Crecente es Doctor Arquitecto, consultor en Turismo y Patrimonio y experto en Termalismo.

Segue lendo

Abiertas las inscripciones para el 15k del Atlántico

Ayer, lunes 1 de septiembre, se abrían las inscripciones para participar en la carreira y en la andaina "15k del Atlántico Banco Mediolanum". 

Hoy, martes, hasta las 23:59 horas, habrá inscripción abierta con cuota reducida de 8 euros para la carrera. El precio único para anotarse a la andaina es de 4 euros. Las inscripciones del 15k se cerrarán el 1 de octubre a las 23:59 horas, o en su caso, al llegar al límite de 700 deportistas. Más info, aquí.

Una de las novedades de esta edición es la adquisición (opcionable) de la camiseta para la andaina, a un precio de 6 euros. Es 100% en poliéster y transpirable, con costuras planas. La fecha límite de reserva es el 20 de septiembre.

Tal y como se recuerda desde la Organización, la participación en la andaina incluye:

-Ruta guiada.
-Piscolabis a mitad de la ruta.
-Participación en los sorteos que hará la organización al finalizar la entrega de trofeos.
-Autobuses de ida y vuelta.

Las plazas son limitadas a 150 participantes. Para los menores de 14 años, la inscripción será gratuita.

Inscripción online.

Segue lendo

O Rosal acolle un histórico Campionato de Galicia

"Vai a ser algo histórico". Esta frase foi a máis pronunciada na presentación do Campionato de Galicia de Contrarreloxo Individual 2014 á que tiven o pracer de asistir hoxe, venres 4 de xullo, no Concello do Rosal.

Deu a benvida o alcalde da vila, Jesús María Fernández Portela, acompañándoo neste acto o secretario xeral para o Deporte da Xunta de Galicia, José Ramón Lete Lasa, o presidente do Club Ciclista O Rosal, Gerardo Álvarez Martínez, o alcalde da Guarda, José Manuel Domínguez Freitas, o xerente da Federación Galega de Ciclismo, Ricardo Tercero, así como Isaac González González, presidente da Comunidade de Montes de Santa Mariña do Rosal e Daniel Benavides Alonso, xefe do Servizo Provincial de Deportes.

Entre os asistentes a este evento tamén se atopaban a tenente de alcalde rosaleira, Mª Carmen Alonso, a concelleira de Cultura, Charo Tabales Perozo, o concelleiro de Deportes da Guarda, Javier Crespo González e distintos membros do Club Ciclista O Rosal, tanto directivos como corredores.

Destacouse na Presentación deste Campionato Galego de CRI que será un torneo de gran nivel e no que participarán distintos campións de España. 

Lembráronse por exemplo os últimos títulos nacionais conseguidos polos ciclistas baixomiñotos Aser Estévez (A Guarda) e Antonio Portela e Raúl Fernández (O Rosal).

Con saída e chegada na Praza do Calvario, os participantes no Campionato de Galicia do vindeiro 12 de xullo, disputarán a carreira de un en un, con diferencia dun minuto entre eles. 

Organizado polo Club Ciclista O Rosal, a hora oficial de comezo será ás 15:00 h., discorrendo o evento polos concello rosaleiro (anfitrión), polo de A Guarda e polo de Tomiño.

¡Que sexa unha festa do Deporte e noraboa a todos!

Segue lendo

PRESENTACIÓN DO PROXECTO PARA A RECUPERACIÓN E A TRANSMISIÓN DO PATRIMONIO INMATERIAL DA GUARDA

Imaxe (realizada co móbil) da actuación do grupo musical "Da outra margem"

O pasado venres 25 de outubro fun convidado á presentación do "Proxecto para a recuperación e a transmisión do patrimonio inmaterial do Concello da Guarda" que se celebrou na Casa dos Alonsos, na propia vila do Trega.

Ata alí achegueime co amigo e novo empresario Sergio Rodríguez Rodríguez "Trinta" para coñecer máis de preto esta iniciativa histórico-etnográfica e cultural.

Esta é a crónica e reportaxe fotográfica do evento realizada polo mestre e xornalista Antón Ferreira Lorenzo, coordinador da web Galicia Suroeste.

O meu agradecemento ao Concello da Guarda e ao Grupo de Acción Costeira (GAC) Vigo-A Guarda, organizadores do acto, pola súa deferencia comigo, e en especial para o concelleiro de Patrimonio guardés, Javier Crespo González.

Segue lendo

EXPOSICIÓN DE XOÁN PIÑEIRO. TALLER E ARTISTA. ESTE SÁBADO DÍA 13 NA GUARDA

Tal e como se comunica dende a concellaría de Cultura da Guarda e hoxe lembran nas redes sociais escultores como o rosaleiro Julio Martínez Martínez, este sábado 13 de xullo ás 21.00 horas, inaugúrase na Casa dos Alonsos (Praza do Reló) unha exposición dedicada a Xoán Piñeiro.

A mostra, cuxa comisaria será a súa filla, Cuqui Piñeiro, "broncista e herdeira do legado do seu pai dende a Fundición Artebronce (antano taller de Xoán Piñeiro) de Goián", estará aberta ao público ata o 1 de setembro deste ano, de martes a sábado (de 11 a 14 e de 20 a 22 horas) e o domingo (de 11 a 14 horas).

Segue lendo

ANDAINA POLO CAMIÑO PORTUGUÉS DA COSTA ENTRE A GUARDA E OIA (15 KM)

O SÁBADO 22 DE XUÑO, QUINTA ANDAINA DO 2013:

CAMIÑO PORTUGUÉS DA COSTA ENTRE A GUARDA – OIA

Segundo nota de prensa remitida ao meu correo (juanorosal@hotmail.com) infórmanme de que "A concellaría de Deporte da Guarda e ACAMO, Asociación Cultural Amigos do Mosteiro de Oia, organizan para este sábado 22 de xuño unha andaina cun percorrido guiado duns 15 km. Deste xeito, preténdese conmemorar os 82 anos da declaración do Castro de Santa Trega e o Mosteiro de Oia como Bens de Interese Cultural (BIC).

Os participantes nesta andaina percorrerán o tramo do Camiño Portugués da Costa que une estes dous BICs e grazas ás explicacións de ACAMO poderán coñecer mellor estes emblemas do Baixo Miño e doutros lugares de interese da Guarda, do Rosal e de Oia: A ermida da Guía, a pequena igrexa de San Xián, a de San Sebastián e por suposto, o mosteiro cisterciense de Oia.

A ruta dará comezo ás 9,30 horas da Alameda e recórdase que nesta ocasión non hai traslado en autocar de regreso, polo que haberá que desandar o Camiño da Costa para volver A Guarda, polo que aqueles que desexen dar por concluída a etapa en Oia deben de organizar o regreso pola súa conta.

Nesta ocasión a participación é gratuíta (non hai traslado incluído) aínda que se recomenda informar no Concello (tel. 986.614.546 ou turismo@aguarda.es) do interese en participar na Andaina. Deste xeito, terase coñecemento do número aproximado de participantes e así facilitar a organización dos guías de ACAMO.

Recoméndase levar:

 - Mochila con menos de 5 kg.

 - Sempre provisto de auga.

 - Bocadillo ou comida.

 - Chocolate, froitos secos,...

 - Bastón.

 - Calzado cómodo e elástico (recomendable non utilizar un calzado novo)

 - Gafas de sol, crema protectora.

 - Impermeable (en previsión de mal tempo)".

Segue lendo

ESTE XOVES ASISTÍN Á PRESENTACIÓN DO PLAN DIRECTOR DA PENÍNSULA DO TREGA

Onte xoves, 22 de novembro, estivemos meu pai (o historiador e investigador, Xoán Martínez Tamuxe) e máis eu no acto de Presentación do Plan Director da Península do Trega, que se celebrou na Casa dos Alonso, convidados polo Concello da Guarda.

Deu a benvida aos asistentes a técnica de turismo da vila, Rosalía Verde, para xa de seguido tomar a palabra o alcalde guardés, José Manuel Domínguez Freitas, quen presentou á súa vez ao director xeral de Patrimonio, José Manuel Rey Pichel e ao coordinador do equipo redactor do Plan, Mario Crecente.

Interviron entre outros, os historiadores da Guarda, Joaquín Miguel Villa Álvarez e Ermelindo Portela Silva, que ofreceron diferentes explicacións do importante traballo realizado para a elaboración deste estudo, que, sen dúbida, será imprescindible nun futuro próximo para acometer calquera actuación nesta "Península do Trega".

Mario Crecente deu as grazas en primeiro lugar ao seu equipo, integrado por científicos, arqueólogos, historiadores, arquitectos, etc, ao igual que a varias persoas e institucións que colaboraron para que se puidera levar adiante o dito proxecto. 

Este Plan Director da Península do Trega é un exhaustivo estudo de todas as posibilidades, características e mesmo necesidades, tanto  loxísticas, turísticas, paisaxísticas, históricas ou mesmo de lecer que o contorno precisa para revalorizar a súa capacidade e situación estratéxica. Non en vano, A Guarda e en concreto o Trega, é o segundo lugar de Galicia que recibe máis visitantes, despois de Santiago de Compostela.

Agardamos que este proxecto, segundo se recalcou no acto, axiña estea publicado polo menos en Internet, a fin de que sexa coñecido e valorado como se merece.

Segue lendo