HOMENAXE A MANUEL ÁNGEL POMBAL DIEGO "PEQUE" NO CENTRO CULTURAL DA GUARDA

Hoxe, venres 24 de maio ás 21:00 horas no Centro Cultural e Social da Guarda, a Agrupación Cultural Guardesa, que preside Julia Sobrino, homenaxeará a Manuel Ángel Pombal Diego "Peque", con motivo das Letras Galegas 2013.

Tal e como reflicten os nosos compañeiros de Infogauda, Manuel Ángel Pombal Diego é veciño de Pedornes (Oia), doutor en Bioloxía e profesor e investigador na Área de Bioloxía Celular da Facultade de Bioloxía da Universidade de Vigo. Así mesmo, é autor de numerosos artigos de investigación, poñente en congresos e membro de distintas asociacións -entre outras- ten o cargo de vicepresidente de ANABAM dende 2008.

Falará sobre o homenaxeado, o tamén mestre e xornalista guardés, Antón Ferreira Lorenzo, correspondente de Atlántico Diario e coordinador da web Galicia Suroeste. 

Actuarán o grupo de pandeiretas da Agrupación Cultural Guardesa, que dirixe Berta Castro González; o grupo Antorcha, dirixido por Mª José Baz e a Banda da Escola de Música de Mougás, que dirixe Luis Giráldez.

Segue lendo

INTERESANTE, ENRIQUECEDORA E DIVERTIDA POLAFÍA NO CENTRO CULTURAL DA GUARDA

Tal e como vos tiña anunciado, o pasado venres 16 de novembro asistín á Polafía celebrada no Centro Cultural da Guarda.

Deu a benvida a este interesante acto Antonio Reigosa Carreiras, responsable da Sección de Literatura Oral da Asociación de Escritores/as en Lingua Galega e "armadanzas" das polafías, co que tiven o pracer de falar intres antes do comezo.

O encargado de presentar e entrevistar aos diferentes convidados foi José Font, director e fundador da Radio Municipal de Tui. 

Interviron, entre outros nesta primeira Polafía do Baixo Miño, o cantautor guardés Tino Baz e o grupo Xamaraina, a redeira Carmen Baz, o historiador Xosé Lois Vilar Pedreira, o mariñeiro "Tito Chirro", o escritor Isidro Novo, así como Xerardo Santomé, María Aurora Botao Pereira e Beli Martínez. 

Non vos conto máis detalles e vos invito a que leades neste enlace a fantástica reportaxe da Polafía realizada polo incansable compañeiro, mestre e xornalista Antón Ferreira Lorenzo, coordinador da recoñecida web de información, Galiciasuroeste e autor tamén das imaxes que ilustran esta entrada no meu blog.

Segue lendo