"COCER, FERMENTAR E AMASAR: OLERÍA E PAN NO
TREGA", INTERESANTE XORNADA DE ARQUEOLOXÍA.
Segundo nota de prensa do Departamento de Turismo do Concello da Guarda, "o sábado 25 de maio celebrarase no monte Santa Trega a II
edición dos obradoiros de Arqueoloxía co título de COCER, FERMENTAR E
AMASAR: Olería e pan no Trega".
Sen dúbida unha interesante xornada, que segundo esta comunicación: "Estarán orientados tanto a nenos coma a adultos. A actividade
principal consistirá na cocción de cerámica con reproducións de pezas que
apareceron nas escavacións arqueolóxicas do Castro de Santa Trega usando as
técnicas da época. Comezarase ás 11h da mañá montando o forno e enfornando as
pezas e rematará entre as 18h e 19h co desenfornado. Paralelamente faranse dous
obradoiros, o primeiro centrado na decoración da cerámica castrexa e o outra
consistirá na elaboración de pan seguindo as posibles receitas da época na que
se habitou o castro. Estes dous obradoiros estarán abertos de 12 a 14h e de 17
a 19h. Tódalas actividades realizaranse no campo
de Chans, no Monte de Santa Trega.
A xornada -lémbrase- está organizada polo Concello de A Guarda e polo Padroado
Municipal Monte Santra Trega dentro das actividades do centenario do comezo
das escavacións do castro. Será levada por un grupo interdisciplinar. Durante
este día incrementaranse o número de visitas guiadas posto que se realizarán ás
12:00h, 13:00h e 17:00h. O punto de encontro será no poboado a carón da
estrada.
A realización e coordinación da cocción cerámica e do
elaboración do pan dependerá do Grupo de
Estudo para a Prehistoria do NW Ibérico (www.gepn.eu), GEPN, sección
de Cultura Castrexa, da Universidade de Santiago de Compostela. A cocción
estará guiada por Tomás López da olería Fígulus
(Proendos, Sober, Lugo), que prosegue a elaborar (e tamén a idear) formas da
cerámica de Gundivós, e que se prestou a reconstruír o forno que se vai
utilizar seguindo un modelo do castro de Castromao (Celanova, Ourense).
As
cerámicas que se van cocer son réplicas de formas achadas no Castro do Trega,
elaboradas pola Fundación Terra Termarum
Castrolandín (www.castrolandin.es). Esta institución leva anos investigando a cerámica
castrexa e ultimamente veñen de presentar o seu catálogo nunha exposición que
pode visitarse estas datas no Museo de Pontevedra.
As actividades serán gravadas pola produtora audiovisual Mara Producións (www.maraproducciones.es), xa que van formar parte dun documental arredor da
arqueoloxía experimental no GEPN para axudar á intepretación e divulgación
dalgúns dos materiais que van formar parte nas xornadas".
.JPG)
.JPG)
.JPG)
