As polafías da AELG chegan á Estrada

Historias, cantos, contos, músicas e oficios das Terras da Estrada.

Segundo comunica a AELG, o acto terá lugar o  vindeiro venres 9 de outubro, a partir das 20:00 no MOME (Museo do Moble e da Madeira da Estrada), con entrada libre até completar aforo. 

A Asociación de Escritoras e Escritores en Lingua Galega leva á Estrada a súa trixésima edición das Polafías*, un proxecto da súa Sección de Literatura de Tradición Oral, nesta ocasión co patrocinio da Consellaría de Cultura e do Centro Español de Derechos Reprográficos (CEDRO) e co título Historias, cantos, contos, músicas e oficios das Terras da Estrada. 

A AELG coorganiza esta Polafía coa Asociación Cultural Vagalumes e a colaboración inestimable da Asociación Cultural “Tamparrantán” e máis do Grupo Tequexetéldere.

*A palabra polafía é un neoloxismo referido ás reunións ou veladas de carácter festivo con contidos literarios e musicais, e ten como obxectivo primordial o de poñer en valor e rescatar do esquecemento o patrimonio oral, literario e musical. 

Segue lendo

V edición "Letra das Festas". San Froilán 2015

Segundo se comunica dende a Asociación de Escritores/as en Lingua Galega, este mércores 7 de outubro celebrarase a LETRA DAS FESTAS 2015. Lembranza de catástrofes e desastres naturais, no Círculo de las Artes de Lugo, con entrada libre até completar aforo.  

Coa colaboración da Concellaría de Cultura, Turismo e Promoción da Lingua do Concello de Lugo e a coordinación e presentación de Antonio Reigosa e Isidro Novo, a Sección de Literatura de Tradición Oral da Asociación de Escritoras e Escritores en Lingua Galega organiza a quinta edición desta "revista de literatura oral ao vivo" que sae sempre polo San Froilán, e na que este ano interveñen persoas que rememoran catástrofes e desastres naturais.

Ciclóns como o Hortensia (1984) e o Klaus (2009), terremotos como o de 1997 (que acadou 5'1 de intensidade, tendo o seu epicentro no triángulo Sarria-Triacastela-Becerreá), galernas (como a de 1961, con 83 mortos, que castigou especialmente Celeiro), así como riadas, inundacións, nevaradas, sarabiadas e tormentas con maior ou menor sona que teñan dado lugar a unha aventura ou vivencia digna de ser contada. Sucesos de aquí e de alá coma os que nos van narrar dalgunhas catástrofes en Nicaragua desde a ONG Axunica.

Participarán: 

Bernardino Pardo Teixeiro

Paco Nieto

Antón Grande

Xerardo Pardo de Vera

Ana Vila Montero (da ONG Axunica)

Na parte musical interveñen Mini e Mero.

Segue lendo

Novo "Obradoiro de narración oral" da AELG

Segundo me acaban de comunicar, a Sección de Literatura de Tradición Oral da AELG (Asociación de Escritores/as en Lingua Galega) convoca e organiza no Centro de Convivencia Uxío Novoneyra de Lugo, o 3º Obradoiro de narración oral, que estará a cargo dos compañeiros Antonio Reigosa, Isidro Novo e a especialista Ana Carreira.

Para máis información do contido do obradoiro ou para formalizar a inscrición, velaquí vos deixo o seguinte enlace.

Segue lendo

A AELG CELEBRA UNHA POLAFÍA EN FINGOI (LUGO) TRAS O SEU PASO POR A GUARDA

Segundo me comunican dende a Asociación de Escritores en Lingua Galega, este venres 29 de novembro celebrarase no Centro de Convivencia de Fingoi (Lugo) a vixésimo sexta edición das Polafías, un proxecto da súa Sección de Literatura de Tradición Oral. 

Nesta ocasión, conta co patrocinio da Área de Cultura e Turismo da Deputación de Lugo, levando por título "Historias, rimas, cantos, contos..."

Antonio Reigosa presentando a Polafía na vila da Guarda. (Foto: Galiciasuroeste.info)

Para este acto a AELG conta coa colaboración de Paco Martín (escritor), Toño Núñez (escritor e profesor), Dictino Rodríguez Lázare (exfutbolista), Isidoro Rodríguez (dinamizador da cultura popular), Marcelino Castro Pena (narrador), Ana Mª Gómez Pérez (narradora) e de Isidro Novo (recitador).

O evento estará amenizado musicalmente pola Agrupación Xeada, Pepa Yáñez e Branca Villares, o Grupo de Pandeiretas da Asociación Cultural Son de Cores (Becerreá) e Os Minhotos.

Imaxe dos asistentes á Polafía celebrada no Centro Cultural da Guarda. (Foto: Galiciasuroeste.info)

Teño que lembrar que o pasado ano 2012, tamén neste mes de novembro, en concreto o día 16, celebrouse no Centro Cultural da Guarda unha "Interesante, enriquecedora e divertida Polafía", coordinada por Antonio Reigosa Carreiras, responsable da Sección de Literatura Oral da Asociación de Escritores en Lingua Galega.

Segue lendo

LETRA DAS FESTAS. HISTORIAS DO SAN FROILÁN DE HAI 50 ANOS

LETRA DAS FESTAS 2013

O San Froilán de hai 50 anos

A Asociación de Escritoras e Escritores en Lingua Galega organiza unha nova edición da revista de literatura oral ao vivo no marco das festas da capital lucense.

Será o vindeiro xoves 10 de outubro, ás 19.30 h, no Círculo de las Artes.

Coa colaboración da Concellaría de Cultura, Turismo e Promoción da Lingua do Concello de Lugo e a coordinación e presentación de Antonio Reigosa e Isidro Novo, a Sección de Literatura de Tradición Oral da Asociación de Escritoras e Escritores en  Lingua Galega organiza a terceira edición desta "revista de literatura oral ao vivo" que sae sempre polo San Froilán, e na que este ano interveñen persoas que rememoran as festas da capital lucense dos anos 50-60-70 do pasado século, con anécdotas relacionadas coas músicas, atraccións e espectáculos ou persoeiros das Festas do San Froilán. 

Participarán doce persoas nacidas ou residentes en Lugo desde hai moitos anos:

Adela Figueroa, profesora e escritora.

Alfonso Blanco Torrado, crego e activista social.

Xerardo Pardo de Vera, avogado, actor e antigo batería do histórico grupo de música pop “Los Pekenikes”.

Manuel Pajón, músico, baixo desde 1969 a 1980 da “Calú 96”, histórica orquestra de Lugo que amenizou o San Froilán moitos anos.

Mª Concepción López Fernández, que achegará lembranzas de cando era a nena.

Pilar Yáñez Lombardía, foi mestra ata que unha enfermidade a deixou sen vista con apenas 49 anos.

Felipe Arias, arqueólogo e historiador, director do Museo do Castro de Viladonga.

Xesús Regueiro, responsable da Galería Sargadelos de Lugo

Jorge Chao, foi concelleiro do PP e directivo do baloncesto en Lugo moitos anos.

Higinio Martínez Fernández de la Vega, funcionario xubilado, avogado, sobriño-neto de Celestino Fernández de La Vega.

Suso Arrizado, antigo traballador na térmica das Pontes e en Alúmina, dedicado ao sindicalismo nacionalista desde mozo.

Xosé López, mestre xubilado, natural de Guntín, que lembra as súas visitas ao san Froilán cando era neno. 

A fermosa fotografía que ilustra o cartel de convocatoria deste acto (Comendo o polbo no San Froilán de 1970) é da autoría do veterano fotógrafo Carlos Valcárcel.

Na parte musical interveñen Sito Sedes, unha das voces con máis personalidade da música galega do último medio século, acompañado ao piano por Sergio del Castillo, músico cubano afincado en Galicia desde 1994, que interpretarán temas de moda das décadas dos 50 e 60 do pasado século. 

Segue lendo

INTERESANTE, ENRIQUECEDORA E DIVERTIDA POLAFÍA NO CENTRO CULTURAL DA GUARDA

Tal e como vos tiña anunciado, o pasado venres 16 de novembro asistín á Polafía celebrada no Centro Cultural da Guarda.

Deu a benvida a este interesante acto Antonio Reigosa Carreiras, responsable da Sección de Literatura Oral da Asociación de Escritores/as en Lingua Galega e "armadanzas" das polafías, co que tiven o pracer de falar intres antes do comezo.

O encargado de presentar e entrevistar aos diferentes convidados foi José Font, director e fundador da Radio Municipal de Tui. 

Interviron, entre outros nesta primeira Polafía do Baixo Miño, o cantautor guardés Tino Baz e o grupo Xamaraina, a redeira Carmen Baz, o historiador Xosé Lois Vilar Pedreira, o mariñeiro "Tito Chirro", o escritor Isidro Novo, así como Xerardo Santomé, María Aurora Botao Pereira e Beli Martínez. 

Non vos conto máis detalles e vos invito a que leades neste enlace a fantástica reportaxe da Polafía realizada polo incansable compañeiro, mestre e xornalista Antón Ferreira Lorenzo, coordinador da recoñecida web de información, Galiciasuroeste e autor tamén das imaxes que ilustran esta entrada no meu blog.

Segue lendo