OS MELLORES XOGADORES DO BAIXO MIÑO DISPUTAN EN O ROSAL O V CAMPIONATO DE FUTBOLÍN 2013 NA HONRA DOS CABAQUEIROS

Este sábado 5 de outubro terá lugar a 5ª edición do Campionato de Futbolín Os Cabaqueiros. Concello do Rosal, na honra dos mestres telleiros e que se celebra cada ano ininterrumpidamente dende 2009.

Os mellores xogadores do Baixo Miño desta modalidade lúdico-deportiva daranse cita no Salón de Exposicións Municipal (Praza do Calvario) para disputar unha das competicións máis atractivas dos últimos tempos.

Polo tanto, este 2013, máximo nivel, xa que participan gañadores dos máis importantes torneos de futbolín rexionais e aínda nacionais. Non en vano o rosaleiro Carlos Álvarez Antúnez "Sevi" e o goianés Daniel Rodríguez Martínez "Dani", Campións de España en Movemento F-2 (2010) -e a priori, un dos equipos favoritos- buscarán xuntos o seu primeiro título do "Cabaqueiros".

Mención especial tamén para os vencedores doutras edicións do "Cabaqueiros", como son Yeya (2009 e 2012), Luis (2009), Diego e Dieguito (2010), Galis (2011) e Gera (2012). 

Igualmente, destacar a presenza da única muller que se atreveu a participar neste torneo, Ruth, bicampiona do Campionato Feminino Noticias O Rosal e 5ª de España (2011).

Este ano, como novidade, instáurase o premio "Catiña de Ouro" ao mellor xogador/a. Todos os participantes poderán dar ao final do V Campionato Os Cabaqueiros, tres votos. 3 puntos para o primeiro xogador elixido, 2 puntos para o segundo (Catiña de Prata) e 1 punto para o terceiro (Catiña de Bronce).

A entrega de premios realizarase na Praza do Calvario, diante da Casa do Concello, o vindeiro sábado 12 de outubro ás 16:30 horas.

Velaquí o listado completo dos xogadores que disputarán a coñecida como "Champions de Futbolín do Baixo Miño".

1.- TUKA E PIPU. (Jorge Díaz Rocha e Andrés Martínez Rocha)

2.- DIEGO E YEYA. (Diego Álvarez Fernández e Sergio Casal Fernández)

3.- FRONY E JUAN. (Sergio Diego Fernández e Juan Ramón Martínez)

4.- RUTH E GERA. (Ruth Mª Martínez e Gerardo González Gómez)

5.- LUIS E TRINTA (Luis Martínez Pereira e Sergio Rodríguez Rodríguez)

6.- SEVI E DANI (Carlos Álvarez Antúnez e Daniel Rodríguez Martínez)

7.- YORS E 29 (Jorge Silva Álvarez e Sergio Fernández González)

8.- XIÁN E JOSE (Antonio Lomba Rodríguez e José Martínez Fernández)

9.- ÁNGEL E GALIS (Ángel Martínez Diego e Braulio Álvarez González)

10.- GUS E DIEGUITO (Gustavo Jurado Fernández e Diego Martínez Alonso)

Posted in: